Бо мақсади баланд бардоштани касбияти омӯзгорони муассисаҳои таъилимии ноҳия курси бозомӯзии фанҳои технологияи информатсионӣ, забон ва адабиёти ӯзбекӣ дар шуъбаи маорифи ноҳия идома дорад.
Тавре аз шуъбаи маориф иттилоъ доданд, ин иқдом бо ташаббуси омӯзгорони курси такмили ихтисоси вилоят роҳандозӣ гардида, дар он 75 нафар омӯзгори фанҳои забон ва адабиёти ӯзбекӣ ва омӯзгорони фанни технологияи информатсионӣ ҷалб карда шуданд.
Хотирасон менамоем, ки курси бозомӯзии фанҳо аз санаи 30-январ оғоз гардида, то 11-феврали соли равон идома меёбад.