АШТ: Боздиди роҳбарияти ноҳия аз боғи навташкили гелос дар Ҷамоати деҳоти Ошоба.

 374 боздид
Ҷиҳати амалӣ намудани дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарияти ноҳия нимаи дуюми рӯзи 14 – уми марти соли равон ба Ҷамоати деҳоти Ошоба ташриф оварда, аз бунёди боғи нав, ки аз ҷониби соҳибкори ватанӣ Рӯзибоев Баҳодур дар талу теппаҳо ташкил карда шудааст, дидан намуда, дар ҳузури аъзоёни хоҷагии деҳқонӣ барои зиёд намудани боғи гелос навъи “Ошоба” маслиҳатҳои муфид дода, дар шинонидани гелос иштирок намуд. Ёдовар мешавем, ки боғи гелос 40 гектарро ташкил медиҳад.
Дар ҳудуди дигар ҷамоатҳои деҳот, ки дар онҳо заминҳои талу теппа вуҷуд доранд, барои самаранок истифода бурдани онҳо, нав кардани боғотҳои дарахтони мевадиҳандаи кӯҳна, корҳои азнавбарқароркунӣ идома доранд.
Соҳибкори ватанӣ Рӯзибоев Баҳодур барои дастгириҳои пайвастаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба рушди соҳаи боғдорӣ миннатдории самимӣ изҳор намуд.

Тафсири худро гузоред

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.