АШТ: Рӯзи кормандони милитсия дар сатҳи баланд таҷлил гардид.

 275 боздид

04.11.2024

Субҳи имрӯз дар таҷлили “Рӯзи милитсияи тоҷик” Раиси ноҳияи Ашт Шӯҳрат Муҳаммадзода бо ҳамроҳи роҳбарони мақомотҳои ҳифзи ҳуқуқ сохторҳои низомӣ, роҳбарони идораву ташкилотҳои ноҳиявӣ ва дигар  шахсони расмӣ барои таҳният намудани ҳайати шахсии кормандони Шуъбаи Вазорати корҳои дохилии Ҷумҳурии Тоҷикистон дар ноҳияи Ашт ба бинои шуъба ташриф овард.

Дар даромадгоҳ роҳбари ноҳияро сардори ШВКД ҶТ дар ноҳия Тағойзода Давлатшоҳ Тағой ва дигар шахсони расмӣ истиқбол гирифтанд.

Ба ифтихори сазовор истиқбол гирифтани “Рӯзи милитсияи тоҷик” ҳайати шахсӣ сафи идона оростанд. Шӯҳрат Муҳаммадзода бо кормандони мақомоти милитсия суҳбати самимӣ анҷом дода, зикр намуд:

“Пешвои муззами миллат ба мақомоти милитсия ҳамчун сохтори боеътимод ва тавоно боварии калон доранд ва Шумо фарзандони шуҷои Ватан ҳамеша ба боварии роҳбари давлат бо меҳанти софдилона ва содиқона минбаъд низ сазовор бошед.”

Сипас, Прокурори ноҳия Каримзода Тоҷиддин Ҳамро ва Раиси Суди ноҳия Азизмуҳаммадзода Хуршед Азизмуҳаммад кормандони мақомоти милитсияро ба муносибати иди касбиашон таҳният намуданд.

Баъдан, барои арҷгузори ба хотири кормандони соҳае, ки дар барқароркунии сохти Констутсионӣ ва адои вазифа ҳалок гардиданд гулчанбар гузошта шуд.

Таҷлил дар толори МДВ “Театри мусиқӣ-драмавии ба номи М.Воҳидов” бахшида ба Рӯзи кормандони милитсия идома ёфта, ҷамъомади тантанавӣ доир гардид.

Дар чорабинии тантанавӣ Раиси ноҳияи Ашт Шӯҳрат Муҳаммадзода ва роҳбарони мақомоти ҳифзи ҳуқуқ, роҳбарони воҳидҳои сохторӣ, роҳбарияти КИ ҲХДТ дар ноҳия, иштирокчиёни барқароркунии сохти Констутсионӣ, оилаҳои кормандони мақомотҳои корҳои дохилае, ки дар поси ватан ҷон бохтанд, ходимони тиб ва маориф, собиқадорони мақомоти милитсия, намояндагони расонаҳои хабарии маҳаллӣ ва дигар фаъолон иштирок намуданд.

Дар оғози чорабинӣ Парчами давлатӣ дароварда, Суруди миллӣ садо дод.

Дар идома, Раиси ноҳия Шӯҳрат Муҳаммадзода баромад намуда, кормандону собиқадорони мақомоти корҳои дохилии ноҳияро бо ҷашни касбӣ — Рӯзи кормандони милитсия табрик намуд.

Сипас, ба як қатор кормандон мақомоти корҳои дохилӣ, пешқадамони соҳа дар вазъи тантанавӣ рутбаҳои баланди хизматӣ, Сипоснома ва тӯҳфаҳои хотиравии Раиси ноҳия супорида шуд.

Ҳамзамон, ба собиқадорони соҳа тӯҳфаҳои хотиравӣ тақдим гардид. Сипас, ба оилаҳои нафароне, ки дар барқароркунии сохти Констутсионӣ ва адои вазифа ҳалок гардидаанд, аз ҷониби Раиси ноҳия кӯмакпулии яквақта супорида шуд.

Дар фарҷом аз ҷониби аҳли фарҳанг барномаи рангини консертӣ, саҳнача аз фаъолияти кормандони мақомоти корҳои дохилӣ ва баромади гурӯҳи рақсҳои ҳунарӣ фазои идонаро дучанд намуд.

Гирифтани акси хотиравӣ ва оростоани дастурхони идона чорабиниро ҳусни анҷом бахшид.

Хадамоти матбуоти

Раиси ноҳия

Тафсири худро гузоред

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.