Дирӯз бо ибтикори сардори Маркази назорати давлатии санитарию эпидемиологӣ ноҳияи Ашт Муродҷон Мирзоев ва кормандони ин ниҳод дар бозори марказии шаҳраки Шайдон ва ҷодаҳои маркази ноҳия ба сокинон ниқобҳои муҳофизатӣ тақдим карда шуд.
Тавре ба мо аз Маркази назорати давлатии санитарию эпидемиологӣ ноҳияи Ашт иттилоъ доданд, ин иқдоми пешгирифтаи онҳо барои пешгирии бемории ҳамагири Covid-19 буда, ин иқдомро дар тамоми қаламрави ноҳия иҷро хоҳанд кард. «Дирӯз кормандони мо беш аз 250 адад ниқоби муҳофизатӣ ба сокинон тақдим намуданд».
Ёдовар мешавем, ки имрӯз аз тарафи Маркази назорати давлатии санитарию эпидемиологӣ ноҳияи Ашт дар бозори Ҷамоати деҳоти Понғоз ба сокинони ноҳия ниқобҳои тиббӣ тақдим карда мешавад.
