Имрӯз, 21-уми июн бо ташаббуси Мақомоти иҷроияи ҳокимияти давлатии ноҳияи Ашт ва соҳибкорони маҳаллӣ 10 нафар оилаи эҳтиёҷманди ноҳия аёдат карда шуданд.
Обода Каримӣ мудири Бахши кор бо занон ва оилаи МИҲД-и ноҳия мегӯяд, дар арафаи таҷлили идҳо чун анъана оилаҳои эҳтиёҷманд аёдат карда шуда, ба онҳо аз ҷониби Мақомоти иҷроияи ҳокимияти давлатии ноҳия кӯмаки яквақтаинаи моддӣ расонида мешавад. Имрӯз низ мо ба хонаи 10 нафар оилаи эҳтиёҷманд ташриф оварда, ба онҳо кӯмаки яквақтаинаи МИҲД-и ноҳияро тақдим намудем.
Ёдовар мешавем, ки дар арафаи таҷлили ҷашнҳои миллӣ собиқадорони соҳаҳои мухталифи ноҳия, кӯдакони имконияташон маҳдуд ва оилаҳои ниёзманд аёдат карда мешаванд.
Худованд шуморо кам накунад!