Чӣ тавре, ки маълум аст имрӯзҳо ҷамъоварии ҳосили пахта дар ноҳияи Ашт бомаром ҷараён дорад.
Аз Раёсати агентии суғуртаи иҷтимоӣ ва нафақаи назди Ҳукумати Тоҷикистон дар ноҳияи Ашт ба маркази матбуотии ноҳия иттилоъ доданд, ки аҳли кормандони ин ниҳод дар рӯзҳои истироҳатӣ ба ҷамъоварии пахта баромадаанд.
Хушунд Каримзода, сардори Раёсати агентии суғуртаи иҷтимоӣ ва нафақаи назди Ҳукумати Тоҷикистон дар ноҳияи Ашт гуфт, ки айни ҳол онҳо дар хоҷагии деҳқонии “Навбунёд”-и ҷамоати деҳоти Меҳробод саргарми пахтачинӣ ҳастанд. Иқдом гирифтем, ки дар рӯзҳои истироҳатӣ ба деҳқонон барои сарви вақт бе талафот ҷамъоварии пахта ба онҳо кӯмак намоем.
