Имрӯз, 8 феврали соли ҷорӣ натиҷагирии даври 7-уми бозиҳои Ҷоми Федератсияи футболи Тоҷикистон дар минтақаи Суғд баргузор шуд. Дар ин бора Аҳлиддин Юнусов, котиби масъули ФФТ дар вилояти Суғд иттилоъ дод.
Дар даври 7-уми бозиҳои Ҷоми ФФТ дар минтақаи Суғд дастаи “Ашт”-и ноҳияи Ашт тими “Зарбдор”-и шаҳри Исфараро бо ҳисоби 4:3 мағлуб намуда ба даври ниҳоии мусобиқа, ки санаҳои 10-17 феврали соли равон дар шаҳри Душанбе баргузор мешавад роҳхат ба даст оварданд.
Дар ин мусобиқа ҳамлагари дастаи “Ашт”-и ноҳия Дилмурод Донаев пешсафи нишонзанҳо дониста шуд.
Ёдовар мешавем, ки футболбозони ноҳия санаи 17-уми январ бо дастаи «Хуҷанд»-и Хуҷанд қувваозмоӣ намуда, бо ҳисоби 3:0 мағлуб гардиданд. Дар даври дуюми мусобиқа дастаи ноҳияи Ашт футболбозони «Захираҳои олимпӣ»-и шаҳри Истаравшанро бо ҳисоби 5:1 шикаст дода, мавқеи худро дар ҷадвали мусобиқа мустаҳкам намуданд.
Мавқеи дастаҳо дар ҷадвали мусобиқа
| № | Дастаҳо | Б | Ғ | М | Б | Т/Т | И |
| 1 | “Хуҷанд” (ш. Хуҷанд) | 7 | 7 | 0 | 0 | 19-5 | 21 |
| 2 | “Ашт” (н. Ашт) | 7 | 5 | 0 | 2 | 16-12 | 15 |
| 3 | “Оли Сомон” (н. Мастчоҳ) | 7 | 4 | 1 | 2 | 12-6 | 13 |
| 4 | “Эсхата” (ш. Хуҷанд) | 7 | 3 | 2 | 2 | 18-10 | 11 |
| 5 | “МВ №1” (ш. Хуҷанд) | 7 | 3 | 1 | 3 | 10-10 | 10 |
| 6 | “МТО” (ш. Хуҷанд) | 7 | 2 | 0 | 5 | 6-16 | 6 |
| 7 | “Захираҳои олимпӣ” (ш. Истаравшан) | 6 | 0 | 1 | 5 | 3-13 | 1 |
| 8 | “Зарбдор” (ш. Исфара) | 6 | 0 | 1 | 5 | 8-20 | 1 |
Нишонзанҳо:
- Донаев Дилмурод (Ашт) – 7 тӯб
- Насруллоев Шавкат (Эсхата) – 5 тӯб
- Исоев Ҷӯрабой (Эсхата) – 4 тӯб