Имрӯз 70-солагии директори муассисаи хусусии таълимии “Нури Раҳмон” Комилова Манзура ва 12 — солагии таъсисёбии муассисаи мазкур таҷлил карда шуд.
Дар чорабинӣ Раиси ноҳияи Ашт Шӯҳрат Муҳаммадзода, муовинон ва роҳбари дастгоҳи Раиси ноҳия, ходимони маориф, аҳли зиё, собиқадорон ва дигар сокинони ноҳия иштирок намуданд.
Дар оғоз Раиси ноҳия баромад намуда, бобати 70-солагии зодрӯзи зани поквиҷдону гавҳаршинос, роҳбари оқилаву олима Комилова Манзура ва 12- солагии таъсисёбии Муассисаи таълимии ғайридавлатии хусусии “Мактаби Нури Раҳмон” баромад намуд.
Бояд гуфт, ки Комилова Манзура қариб 50-соли ҳаёти хешро баҳри тарбияи насли наврас бахшидаву бо он ифтихор мекунад.
Маврид ба зирк аст, ки 12-сол қабл соли таъсисёбӣ муассиса фаъолияти худро бо 212 нафар хонанда ва 23 нафар омӯзгор оғоз карда, айни ҳол теъдоди хонандагон ба 478 нафар хонандагон аз тамоми ҷамоатҳои шаҳраку деҳот ва берун аз он расонида шудааст.
Собиқадорон, ҳамкорон, шогирдони Комилова Манзура баромад намуда, бобати хизматҳои шоёнаш дар таълиму тарбия суханҳои миннатдорӣ баён намуданд.
Баъдан, аз ҷониби Раиси ноҳия ба муассиси мактаби хусусии таълимии “Нури Раҳмон” ва Комилова Манзкура Меҳрнома ва туҳфаи хотиравӣ тақдим карда шуд.
Инчунин ба омӯзгорони фаъоли муассиса Сипосномаҳо тақдим гардид.
Аз ҷониби хонандагони муассиса дар фарҷоми чорабинӣ барномаи фарҳангӣ пешниҳод карда шуд.