Ҳамасола якшанбеи сеюми моҳи май дар Ҷумҳурии Тоҷикистон Рӯзи Дави миллӣ баргузор мегардад. Ин иқдом бо мақсади таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ, дар саросари мамлакат сурат мегирад.
Инчунин, тибқи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ноҳияи Ашт бо иштирок роҳбарияти мақомоти иҷроияи ҳокимияти давлатии ноҳия, роҳбарони сохторҳои қудратӣ, сардорони корхонаю ташкилотҳо ва фаъолону ҷавонон дави миллӣ ҷараён гирифт.
Дар фарҷом муовини раиси ноҳия Аниса Ҷалилӣ табрикоти Раиси ноҳияи Ашт Шӯҳрат Муҳаммадзодаро ба муносибати Рӯзи дави миллӣ ба самъи ҳозирин ироа намуд.
