Дар доираи сафари корӣ ба ноҳияи Ашт рӯзи 11 феврал Раиси вилояти Суғд Раҷаббой Аҳмадзода собиқадорони меҳнатро аёдат намуд.
Раиси вилоят аз ҷумла аз ҳоли Турсуной Кӯчбоева ва Ӯғулой Иброҳимова хабар гирифт.
Дар сӯҳбат бо собиқадорон роҳбари вилоят таъкид кард, ки бо дастуру ҳидоятҳои Пешвои муаззами миллат муҳтарам Эмомалӣ Раҳмон ба ҳаёту фаъолияти собиқадорон таваҷҷуҳи зарурӣ зоҳир гардида, ин қишри ҷомеа мунтазам дастгирӣ карда мешаванд.
