Бахшида ба ҷашни байналмиллалии Наврӯз ва Соли ҷавонон мусобиқаи кушоди ноҳиявӣ оид ба гуштини миллӣ ва камарбандӣ байни наврасон ва ҷавонон баргузор гардид.
Дар ин бора Ҷамшед Насриддинов, мудири Бахши ҷавонон, варзиш ва сайёҳии ноҳия иттилоъ дода таъкид дошт дар мусобиқа аз ҷамоату шаҳраки деҳоти ноҳия зиёда 150 нафар наврасону ҷавонон иштирок намуданд. Дар ҷамъбасти мусобиқа ба 40 нафар варзишгари беҳтарин тӯҳфаҳои хотиротии Бахши ҷавонон, варзиш ва сайёҳии ноҳия тақдим карда шуд.
Тибқи иттилои манбаъ бахшида ба таҷлили ҷашни Наврӯз дар ноҳияи Ашт мусобиқаҳои гуногуни варзишӣ доир мегарданд. Ба беҳтарин варзишгарон зимни таҷлили Наврӯзи Аҷам дар ноҳия тӯҳфаҳои хотиротии раиси ноҳия тақдим мешавад.
