Санаи 26 марти соли равон дар тарабхонаи «Шаҳзод»-и Ҷамоати деҳоти Понғоз ҷаласаи корӣ таҳти сарпарастии Раиси ноҳияи Ашт Зариф Мирдадо бо иштироки муовинони Раиси ноҳия, роҳбари дастгоҳи Раиси ноҳия, сардорони Раёсатҳо, роҳбарони ташкилоту идораҳо, мудирони шӯъбаву бахшҳои мақомоти иҷроияи ҳокимияти давлатии ноҳия, раис ва кормандони Ҷамоати деҳоти Понғоз, сарварони муассисаҳои таълимӣ, вакилони халқии ноҳиявӣ ва Ҷамоат, роҳбарони беморхона ва марказҳои саломатӣ, имомхатибони масҷидҳо ва соҳибкорон баргузор гардид. Дастуру супоришҳои роҳбарияти ноҳия ба масъулин оид ба вусъат бахшидани корҳои ободониву созандагӣ ба истиқболи сазовори 30-солагии Истиқлоли давлатии Ҷумҳурии Тоҷикистон, тибқи нақша ва босифат ба итмом расонидани сохтмони иншоотҳои ҷашнӣ, инчунин пешгирии шомилшавии ҷавонон ба ҳаргуна ҳизбу ҳаракатҳои террористиву экстремистӣ дода шуд.
